ജലാഗ്നിമിശ്രദ്രേക്കാണങ്ങളും ഹോരാമകരന്ദവും

Details

Created: Friday, 07 April 2017 06:45

Last Updated: Saturday, 08 April 2017 19:02

Hits: 1079

ലേഖകന്‍ - ശ്രീനാഥ് ഒജി

ഗുണാകരന്‍ രചിച്ച ഗ്രന്ഥമാണ് ഹോരാമകരന്ദം. ഗുണാകരന്‍ എന്ന പദത്തിന് ഗുണങ്ങളുടെ ആകരം (സമുദ്രം) ആയിട്ടുള്ളവന്‍ എന്നര്‍ത്ഥം. ഗുണസമുദ്രമാണ് ഗുണാകരന്‍. അദ്ദേഹം എഴുതിയ ഗ്രന്ഥമോ ഹോരാമകരന്ദം - ഹോരയുടെ അതായത് ബൃഹജ്ജാതകത്തിന്റെ അമൃത്! അഥവാ ജാതകശാസ്ത്രത്തിന്റെ അമൃത് എന്നുമാവാം. ബൃഹജ്ജാതകത്തെ അടിസ്ഥാനമാക്കിയാണ് അദ്ദേഹം ഈ ഗ്രന്ഥം എഴുതിയത് എന്ന് ഏറെക്കുറെ പേരുകൊണ്ടുതന്നെ സൂചിതമാണ്. ഏറെക്കുറെ ബൃഹജ്ജാതകത്തിലെ വിഷയങ്ങള്‍ തന്നെയാണ് പ്രതിപാദ്യവും. ആ ഗ്രന്ഥത്തില്‍ നിന്നുള്ള ഒരു ശ്ലോകം താഴെച്ചേര്‍ക്കുന്നു -

ജല-അഗ്നി-മിശ്ര ദ്രേക്കാണങ്ങള്‍

സദസദഗ്രഹ ദ്രേഷ്‌ക്കാണാ ജല ദഹനാഖ്യാഃ പ്രകീര്‍ത്തിതാഃ ക്രമശഃ
പാപയുതാഃ സലിലാഖ്യാ മിശ്രാ ദഹനാശ്ച സൗമ്യയുതാഃ

- ഗുണാകരന്‍ (ഹോരാമകരന്ദം)

യഥാക്രമം ജലദ്രേക്കാണങ്ങളും ശുഭഗ്രഹയുക്തമായ ജലദ്രേക്കാണങ്ങളും ശുഭഫലപ്രദമാണ്, അഗ്നിദ്രേക്കാണങ്ങളും അശുഭഗ്രഹയുക്തമായ അഗ്നിദ്രേക്കാണങ്ങളും അശുഭഫലപ്രദമാണ് എന്ന് പ്രസിദ്ധമാണ്. പാപഗ്രഹയുക്തമായ ജലദ്രേക്കാണങ്ങളും, ശുഭഗ്രഹയുക്തമായ അഗ്നിദ്രേക്കാണങ്ങളും മിശ്രഫലപ്രദമാണ്.